 |
រាជជធានីភ្នំពេញ៖ យោងតាម របាយការណ៍បឋមរបស់សមត្ថកិច្ច ស្តីពីការប្រង្រ្កាបករណី ឃាតកម្ម ដោយប្រើកូនកាំបិតចិតបន្លែចាក់ បានឱ្យដឹងថា បណ្តាលអោយស្លាប់មនុស្សម្នាក់ មានឈ្មោះ ចក់ សីហា ភេទប្រុស អាយុ ២៦ឆ្នាំ ជនជាតិខ្មែរ មុខរបរកម្មករ មានទីលំនៅភូមិក្រោលគោ សង្កាត់គឺឡូម៉ែត្រលេង៦ ខណ្ឌឬស្សីកែវ រាជធានីភ្នំពេញ ដែលករណីនេះកើតឡើងនៅត្រង់ចំណុចផ្លូវជាតិលេខ៥ ក្រុមទី២ ភូមិក្រោលគោ សង្កាត់គីឡូមែត្រលេខ៦ ខណ្ឌឫស្សីកែវ កាលពីថ្ងៃទី១១ ខែកក្កដា ឆ្នាំ២០២៦ វេលាម៉ោង ២២ និង១៥នាទី។
របាយការណ៍ដដែលបានបន្តថា នៅថ្ងៃទី១២ ខែកក្កដា ឆ្នាំ២០២៦ វេលាម៉ោង០២ និង៣០នាទី កម្លាំងនគរបាលបានឃាត់ខ្លួនជសង្ស័យម្នាក់ ឈ្មោះ លន់ ចិត្រា ភេទប្រុស ជនជាតិខ្មែរ អាយុ ២៤ឆ្នាំ ស្នាក់នៅភូមិក្រោលគោ សង្គាត់គីទ្បូម៉ែត្រលរខ៦ ខណ្ឌឬស្សីកែវ រាជធានីភ្នំពេញ មុខរបរកម្មករ នៅចំណុចផ្លូវបេតុង ភូមិក្រោលគោ សង្កាត់គីឡូមែត្រលេខ៦ ខណ្ឌឫស្សីកែវ និងដកហូតវត្ថុតាងបាន កាតាប់ស្បែកខោកាប៊ួយចំនួន ០១ និងទូរស័ព្ទម៉ាក Vivo ខៀវ ប្រើស៊ីមលេខ 096 886 3616 ។
របាយការណ៍បានបញ្ជាក់ថា បច្ចុប្បន្នជនសង្ស័យខាងលេីត្រូវសមត្ថកិច្ចជំនាញ បាននិងកំពុងកសាងសំណុំរឿងចាត់ការតាមនីតិវិធី៕