លោក Russ Chalijandra អតីតជំនួយការរដ្ឋមន្ត្រីក្រសួងការបរទេសថៃ បានរិះគន់នាយករដ្ឋមន្ត្រីថៃលោកអានុទីន ថាវោហាសាស្រ្តកន្លងមកជុំវិញជម្លោះព្រំដែនកម្ពុជា-ថៃ និងការប្រកាសបញ្ចប់សន្តិភាពជាមួយកម្ពុជា បាននាំឱ្យមានការផ្អាកការចរចាពាណិជ្ជកម្ម។ លោកបានរិះគន់សេចក្តីថ្លែងការណ៍របស់លោក Nikorndej Balankura អ្នកនាំពាក្យក្រសួងការបរទេស ថា បម្រើខ្លួនឯង តែបំផ្លាញប្រទេសជាតិ។
លោក Russ Chalijandra បានចោទសួរថា តើវាមានប្រយោជន៍អ្វីខ្លះដែលនាយករដ្ឋមន្ត្រីថៃលោកអានុទីន ទៅប្រឈមមុខជាមួយនឹងអាមេរិក? ហើយវាមានភាពចាំបាច់ អ្វីខ្លះដែលនាំឱ្យនាយករដ្ឋមន្ត្រីថៃកត់សម្គាល់បែបនេះ?
លោក Russ បានសង្កេតឃើញទៀតថា ពាក្យសម្ដីរបស់លោកនាយករដ្ឋមន្ត្រីថៃ បានផ្តោតតែលើការផ្គាប់ចិត្តសាធារណៈមតិតែមួយចំនួនប៉ុណ្ណោះ ប៉ុន្តែមិនបានគិតគូរពីផលប៉ះពាល់រួមលើប្រទេសជាតិឡើយ ដែលនេះវាបានបង្ហាញពីកង្វះខាតចំណេះដឹង និងការយល់ដឹងអំពីបរិបទគោលនយោបាយការបរទេសរបស់ប្រទេសថៃ។ លោកថា រឿងនេះបានបង្កឱ្យមានការខូចខាតដល់ប្រទេសជាតិ ហើយវានៅតែមិនច្បាស់ថា តើលោកនាយករដ្ឋមន្ត្រីអានុទីនមានបំណងទទួលខុសត្រូវបែបណានៅចំពោះមុខការខូចខាត?
#ជម្លោះព្រំដែនកម្ពុជាថៃ #ពន្ធគយ #អាមេរិក #វិទ្យុវាយោ #vayo #vayoradio