កន្លងមកកាលពីថ្ងៃទី៨ ខែកក្កដា ឆ្នាំ ២០២៥ ស្ថាប័នអង្គភាពព័ត៌មានមួយចំនួនធ្វើការចេញផ្សាយដើម្បីជម្រាបជូនដំណឹងគោរពចំពោះថ្នាក់ដឹកនាំប្ដីរាជរដ្ឋាភិបាលដែលមានបន្ទុកកិច្ចការងារដោះស្រាយទំនាស់ដីធ្លីនៃស្ថាប័នអង្គភាពពាក់ព័ន្ធថ្នាក់ជាតិទាំងអស់ ព្រមទាំងសាលារាជធានីភ្នំពេញ និងរដ្ឋបាលខណ្ឌឫស្សីកែវដើម្បីឲ្យជ្រាបអំពីបញ្ហាដែលកើតឡើងរបស់ប្រជាពលរដ្ឋនៅក្នុងតំបន់នោះ។
បើយោងតាមការលើកឡើងរបស់លោកស្រី សុខ ហ៊ាង ដែលអះអាងថាគាត់បានកាន់កាប់លើដីលំនៅឋានស្ថិតនៅក្នុងផ្លូវលេខ៥៩៨ ភូមិបឹងឈូកសង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ មានរយះពេលប្រមាណជាង២០ឆ្នាំរួចមកហើយ តែថ្មីៗនេះក៏មានការផ្តល់ដំណឹងចេញដោយរដ្ឋបាលខណ្ឌឫស្សីកែវមកថា ដីធ្លីរបស់គាត់នៅទីតាំងខាងលើមានការពាក់ព័ន្ធទៅនិងឈ្មោះបុគ្គល លូ ធី ដែលមាននៅក្នុងប័ណ្ណកាន់កាប់លេខ នោះផងដែរ!
សម្រាប់ការចេញផ្សាយដើម្បីជាការជម្រាបដំណឹងជូនដល់ថ្នាក់ដឹកនាំ ពិសេសរដ្ឋបាលខណ្ឌឫស្សីកែវ ការឆ្លើយតបជម្រាបដំណឹងមកសាធារណះជន និងបណ្ដាញផ្សព្វផ្សាយសារព័ត៌មានដែលធ្វើការចេកផ្សាយនោះផងដែរលោក ជិន ប៊ុនធឿន អភិបាលនៃគណៈភិបាលដែលទើបតែកាន់តួនាទីជាអភិបាលខណ្ឌឫស្សីកែវ លោកក៏បានធ្វើការឆ្លើយតបដោយបញ្ជាក់តាមរយះផេកផ្លូវការរបស់លោកថា :
ថ្ងៃទី៨ កក្កដា ២០២៥ ៖ រដ្ឋបាលខណ្ឌឫស្សីកែវ បន្ទាប់ពីបានឃេីញកិច្ចសម្ភាស ជាមួយអ្នកសារព័តមាន CRN News នាព្រឹកថ្ងៃអង្គារ៍ ទី៨ ខែកក្កដា ឆ្នាំ២០២៥ នេះ ពាក់ព័ន្ធករណីវិវាទដីធ្លីរបស់លោកស្រី ស្ថិតក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ដោយលោកស្រីបានព្យាយាមពន្យល់បំភ្លឺទៅមហាជនតាមរយៈប្រព័ន្ធផ្សព្វផ្សាយដោយសំអាងហេតុផលភាគីខ្លួនឯងតែម្ខាង។
ក្នុងនាមរដ្ឋបាលខណ្ឌឫស្សីកែវ ខ្ញុំមានជំហ៊ដោះស្រាយបញ្ហាជូនប្រជាជនដោយតម្លាភាព យុត្តិធម៌ ផ្អែកលេីច្បាប់ លិខិតបទដ្ឋានគតិយុត្ត និងឯកសារពាក់ព័ន្ធនានារបស់គូវិវាទ។
រដ្ឋបាលខណ្ឌឫស្សីកែវ មានកិត្តិយសសូមភ្ជាប់ជូនខ្លឹមសារករណីវិវាទដីធ្លីដ៏រាំរ៉ៃស្មុគស្មាញអូសបន្លាយជាច្រេីនឆ្នាំរបស់ឈ្មោះ សុខ ហ៊ាង តំណាងឪពុក សុខ ទ្រី (ស្លាប់) ជាមួយឈ្មោះលូ ធី ។
រដ្ឋបាលខណ្ឌស្នេីយ៉ាងទទូចជូនចំពោះ អ្នកសារព័តមាន កុំធ្វេីការវិនិច្ឆ័យក្នុងខណះដែលមិនទាន់ទទួលបានប្រភពព័តមានគ្រប់ជ្រុងជ្រោយ ដែលអាចធ្វេីអោយមហាជនមានការយល់ច្រឡំ អំពីចំណាត់ការដោះស្រាយបញ្ហារបស់អាជ្ញាធរខណ្ឌ និងប៉ះពាល់កិត្តិយសមន្ត្រីរាជការ។ បន្ទាប់ពីមានការលើកឡើងរបស់រដ្ឋបាលខណ្ឌឫស្សីកែវកន្លងមកនោះ នាព្រឹកថ្ងៃទី ១៥ ខែកក្កដា ឆ្នាំ២០២៥ លោកស្រី សុខ ហ៊ាង បានស្នើសុំអញ្ជើញអ្នកសារព័ត៌មានមួយចំនួនសុំធ្វើការបញ្ជាក់សារជាថ្មីជាលើកទី២ដើម្បីជម្រាបដំណឹងនេះជូនចំពោះថ្នាក់ដឹកនាំពាក់ព័ន្ធទាំងអស់ ពិសេសរដ្ឋបាលខណ្ឌ ឬស្សីកែវ ឲ្យអោយលោកបានជ្រាប និងស៊ីជម្រៅអំពីរឿងរ៉ាវនេះបន្ថែមតទៅទៀត។
ដោយឡែកសម្រាប់អង្គភាពសារព័ត៌មានរបស់យើងទាំងអស់ក៏បានជម្រាបដំណឹងជូនដល់លោក ជិន ប៊ុនធឿន នៅព្រឹកថ្ងៃទី១៥ ខែកក្កដា ឆ្នាំ២០២៥ នេះផងដែរ ដើម្បីឱ្យលោកបានដឹងអំពីការផ្ដល់ដំណឹងពីប្រជាពលរដ្ឋដែលស្នើសុំមានការបកស្រាយ លោកបានបញ្ជាក់មកយ៉ាងខ្លីថាជុំវិញការថតផ្សព្វផ្សាយព័ត៌មានគឺជាសិទ្ធិរបស់អ្នកសារព័ត៌មាន ហើយកន្លងមកអ្នកព័ត៌មានក៏បានដឹងអំពីការពន្យល់របស់លោកផងដែរ។
ដោយឡែក លោក លូ ធី ដែលជាភាគីពាក់ព័ន្ធលើករណីរឿងវិវាទដីធ្លីស្ថិតនៅក្នុងភូមិសាស្ត្រខាងលើនេះ ស្ថាប័នអង្គភាពសារព័ត៌មានរបស់យើងមិនអាចធ្វើសុំការបំភ្លឺបាននៅឡើយនោះទេ ហើយមិនដឹងថាលោកនៅទីណាដោយគ្មានលេខទូរសព្ទទំនាក់ទំនង។
សម្រាប់អង្គភាពសារព័ត៌មានរបស់យើងទាំងអស់កុំបញ្ជាក់ម្តងហើយម្ដងទៀតថា ជុំវិញការលើកឡើងរបស់លោកស្រី សុខហ៊ាង អង្គភាពរបស់យើងទាំងអស់មិនធ្វើការងារណាដែលជាការទទួលកម្មភាពជាការញុះញង់វឹកវរដល់សង្គមជាតិណានោះទេ ហើយរឹតតែមិនស្ថិតក្រោមរឿងនយោបាយណាមួយនោះដែរ គោលបំណងបណ្តាញផ្សព្វផ្សាយរបស់យើងគឺយើងចូលរួមជាមួយការងារដឹកនាំអភិវឌ្ឍន៍ជាតិរបស់រាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ប្រធានព្រឹទ្ធសភា ក្នុងការដឹកនាំជាតិហើយសម្តេចតែងតែយកចិត្តទុកដាក់លើវិស័យព័ត៌មាន កន្លងមកលោកតែងធ្លាប់មានប្រសាសន៍ជូនដល់អ្នកសារព័ត៌មានថា (កុំបំពានសិទ្ធិឋអ្នកដ៏ទៃ កុំបំភ្លៃការពិត ) អ្វីដែលពិសេសនោះទៀតគឺក្រោមរជ្ជកាលថ្មីនិងជាយុទ្ធសាស្ត្ររបស់សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ធ្លាប់មានប្រសាសន៍ជូនដល់អ្នកសារព័ត៌មាន
ដោយមានការគាំទ្រអ្នកសារព័ត៌មានជានិច្ចគឺជាអំណាចទី៤ មានន័យថាជាកញ្ចក់ឆ្លុះបញ្ចាំងការពិតជូនដល់សង្គមជាតិដែលមិនអាចខ្វះបាន។
ប្រិយមិត្តលោកអ្នកនាងជាទីមេត្រីដើម្បីជម្រាបដំណឹងនេះជូនទៅដល់ថ្នាក់ដឹកនាំពាក់ព័ន្ធក៏ដូចជារដ្ឋបាលខណ្ឌឫស្សីកែវស្ដីអំពីការស្នើសុំបកស្រាយបន្ថែមជាលើកទី២ លោកស្រី សុខ ហ៊ាង បានបញ្ជាក់ចំពោះមុខអ្នកសារព័ត៌មានមួយចំនួនដោយមានន័យ និងខ្លឹមសារទាំងស្រុងដូចតទៅ:
